တောင်ကိုရီးယားနိုင်ငံ NongHyup ဘဏ်၏ မြန်မာနိုင်ငံအတွက် လုပ်ငန်းခွဲတစ်ခုဖြစ်သော NongHyup Finance Myanmar မှ             မန်နေးဂျင်းဒါရိုက်တာ Mr. Kim Jong Keun သည် အောက်တိုဘာလ ၂၂ ရက် (ဗုဒ္ဓဟူးနေ့) တွင် ရန်ကုန်တိုင်းဒေသကြီး၊ သာကေတမြို့နယ်ရှိ အမှတ် (၄၆) မူလတန်းကျောင်းသို့ သွားရောက်ကာ တစ်ကျောင်းလုံးရှိ ကျောင်းသား/သူ စုစုပေါင်း (၁,၁၅၀) ဦးအတွက် ဗလာစာအုပ်နှင့် စာရေးကိရိယာများ ပေးအပ်လှူဒါန်းသည့် လူမှုအကျိုးပြုလုပ်ငန်းကို ဆောင်ရွက်ခဲ့ပါသည်။         ဤအခမ်းအနားကို NGO အဖွဲ့အစည်းဖြစ်သော Korea Food for the Hungry International (KFHI) နှင့်အတူ ပူးပေါင်း၍ မြန်မာနိုင်ငံ၏ အနာဂတ်ကို ဦးဆောင်မည့် ကလေးငယ်များကို အားပေးရန်နှင့် ပညာသင်ယူရန် အခက်အခဲများကြားမှ ပညာသင်ကြားလိုစိတ်ဖြင့် ကြိုးစားနေသည့် ကျောင်းသား/သူများအား လက်တွေ့ကျသော ကူညီပံ့ပိုးမှုများ ပေးအပ်ရန် ရည်ရွယ်၍ စီစဉ်ကျင်းပခဲ့ခြင်းဖြစ်ပါသည်။         NongHyup Finance Myanmar ၏ မန်နေးဂျင်းဒါရိုက်တာ Mr. Kim Jong Keun မှ “မြန်မာကလေးငယ်များ ပျော်ရွှင်ကျန်းမာစွာ ကြီးပြင်းလာရေးအတွက် တစ်စုံတစ်ရာ အထောက်အကူဖြစ်စေဖို့ မျှော်လင့်ပါတယ်” ဟု ပြောကြားခဲ့ပြီး၊ “ဒီကလေးတွေဟာ ထူးချွန်စွာ ကြီးပြင်းလာပြီး အခြားသူတွေကို ပြန်လည်ကူညီနိုင်မယ့် ကောင်းမွန်တဲ့ လွှမ်းမိုးမှုတွေ ဆက်လက်ပျံ့ပွားသွားဖို့ မျှော်လင့်ပါတယ်” ဟုလည်း ပြောကြားခဲ့ပါသည်။